நியூயார்க்: நியூயார்க் காவல் துறையில் முதன் முதலாக தலைப்பாகை அணிந்த சீக்கிய பெண் அதிகாரி நியமிக்கப்பட்டு உள்ளார். அமெரிக்காவின் நியூயார்க் காவல்துறையில் உள்ள சீக்கிய அதிகாரிகள் தலைப்பாகை அணிந்து கொள்ளவும், தாடி வளர்த்துக்கொள்ளவும் கடந்த 2016ம் ஆண்டு முதல் அனுமதி அளிக்கப்பட்டது.

நியூயார்க்கில் உள்ள போலீஸ் அகாடமியில் கடந்த வாரம் தனது பயிற்சியை நிறைவு செய்தவர் குர்சோச் கவுர் என்ற சீக்கிய பெண்,  நியூயார்க் காவல்து றையில் துணை நிலை அதிகாரியாக நியமிக்கப்பட்டுள்ளார். இதன் மூலம் நியூயார்க்கில் தலைப்பாகை அணிந்த முதல் பெண் காவல்துறை அதிகாரி என்ற ெபருமையை அவர் பெற்றுள்ளார். சீக்கிய பெண்களிடையே காவல்துறையில் சேரவேண்டும் என்ற ஆர்வத்தை தூண்டும் வகையிலும் நியூயார்க் காவல் துறை இதை செய்துள்ளது.

சீக்கிய அதிகாரிகள் அமைப்பு தனது டிவிட்டர் பக்கத்தில், “நியூயார்க் காவல்துறையில், தலைப்பாகை அணிந்த  முதல் முதல் துணை நிலை பெண் காவல் அதிகாரியை வரவேற்பத்தில் நாங்கள் பெருமை அடைகிறோம்” என்று பதிவிட்டுள்ளனர். மத்திய வீட்டு வசதி மற்றும் நகர்புற விவகாரங்கள் துறை இணை அமைச்சர் ஹர்தீப் சிங் பூரி தனது டிவிட்டர் பக்கத்தில் கூறுகையில், “நியூயார்க் காவல்துறையில் சீக்கிய பெண் அதிகாரியை பார்ப்பதில் மகிழ்ச்சி. இது சீக்கியம் மற்றும் சீக்கியர்களை குறித்த நல்ல புரிந்துணர்தலை உருவாக்கும் என்று நம்புகிறேன்” என பதிவிட்டுள்ளார்.