கொழும்பு, 

நாடாளுமன்றத்தில் அண்மையில் நிகழ்ந்த மோதல் சம்பவத்தில் மிளகாய்த்தூள் எவ்வாறு கொண்டுவரப்பட்டது என்பது தொடர்பான தகவல் வெளியா கியுள்ளது. மகிந்த அணியின் இரண்டு உறுப்பினர்கள் தங்கள் காலணிக்குள் மறைத்து வைத்து மிளகாய்த்தூளை கொண்டு வந்துள்ளதாக தெரி விக்கப்பட்டு ள்ளது. 

நாடாளுமன்றத்தில் இடம்பெற்ற தாக்குதல் சம்பவம் தொடர்பாக விசாரணைகளை மேற்கொள்ள நியமிக்கப்பட்ட விசாரணைக் குழுவின் அறிக்கையில் இந்த விஷயம் தொடர்பாக தெரிவிக்கப்பட்டுள்ளது. மிளகாய்த்தூள் தூவியது, சபாநாயகரின் ஆசனத்தை சேதப்படுத்தியது, தாக்குதல் மேற்கொண்டது, சபா நாயகர் உரையாற்றும் மைக்ரோ போனை உடைத்தது,போலீசார் மீது தாக்குதல் மேற்கொண்டது உள்ளிட்ட நாடாளுமன்றத்தில் நிகழ்ந்த மோதல் சம்பவம் தொடர்பாக ஆராய குழு நியமிக்கப்பட்டிருந்தது. அத்தோடு இந்தக் குழு நாடாளுமன்ற பிரதி சபாநாயகரின் தலைமையில் நியமிக்கப்பட்டிருந்தது குறிப்பிடத்தக்கது.