அடுத்த 15 ஆண்டுகளில் நாட்டின் முன்னேற்றத்துக்கு எடுக்கப்பட வேண்டிய நடவடிக்கைகள் குறித்து கூட்டத்தில் விவாதிக்கப்பட்டது. இதில் பேசிய பிரதமர் மோடி, ‘‘அடுத்த 15 ஆண்டுகளுக்கு இந்தியாவின் வளர்ச்சிக்கான தொலைநோக்கு திட்டம் தயாரிக்க வேண்டும். மாற்றத்துக்கான தருணம் இது. கொள்கை வகுப்பாளர்கள் அதிலுள்ள குறைகளை சுட்டிக்காட்டுவதை விடுத்து, இயற்கை மற்றும் மனித வளத்தை முழுமையாக பயன்படுத்த வேண்டும். கனிம வளம், சூரிய சக்தியில் கவனம் செலுத்த வேண்டும். விவசாய உற்பத்தி பொருட்களை விளைப்பது மட்டுமின்றி, ஊரக பொருளாதாரத்தின் ஒட்டுமொத்த வளர்ச்சியாக அது இருக்க வேண்டும். இவ்வாறு மோடி பேசினார்.