கொழும்பு இலங்கையில் மழை மற்றும் பெருவெள்ளத்தால் உயிரிழந்தோர் எண்ணிக்கை 250-ஆக அதிகரித்துள்ளது. காலி, களுத்துறை, கேகாலை, ரத்தினபுரி மாவட்டங்கள் கனமழை மற்றும் பெருவெள்ளத்தால் மிகவும் பாதிக்கப்பட்டுள்ளன. நாட்டின் தெற்கு மற்றும் மேற்கு மாகாணங்களில் கடந்த சில தினங்களாக மழை வெலுத்து வாங்கி வருகிறது. பல்வேறு மாவட்டங்களில் மழை வெள்ளம் காரணமாக ஆயிரக்கணக்கானவர்கள் வீடுகளை விட்டு வெளி யேறி பாதுகாப்பான இடங்களில் தஞ்சம் புகுந்துள்ளனர் சுமார் 5 லட்சத்திற்கும் மேற்பட்டோர் பாதிக்கப்பட்டுள்ளதாக அங்கிருந்து வரும் தகவல்கள் தெரிவிக்கின்றன. மீட்பு படையினர் நிவாரண பணிகளில் தீவிர மாக ஈடுபட்டு வருகின்றனர். பல இடங்களில் மண்சரிவு ஏற்பட்டுள்ளதால் போக்குவரத்து முற்றிலுமாக துண்டிக்கப்படுள்ளது. வெள்ளத்தால் அடித்து செல் லப்பட்டு மண்ணுக்குள் புதைந்தும் ஏராளமான சடலங்கள் கண்டெடுக்கப்பட்டு வருகின்றன. 2013-ம் ஆண்டுக்கு பின்னர் பெய்துள்ள மிக கனமழை என்று இலங்கை வானிலை மையம் தெரிவித்துள்ளது. மழை சற்று தணிந்துள்ளதால் மீட்பு மற்றும் நிவாரண பணிகள் முழு வீச்சில் முடிக்கி விடப்பட்டுள்ளன. இதனிடையே 100-க்கும் மேற்பட்டோரை காணவில்லை என்று புகார்கள் குவிவதால் உயிரிழப்பு மேலும் அதிகரிக்கக்கூடும் என்று அஞ்சப்படுகிறது.