இலங்கையில் ஏற்பட்ட இயற்கைப் பேரழிவில் பலர் கொல்லப்பட்டதுடன், நூற்றுக்கு மேற்பட்டோர் காணாமல் போயுள்ளனர். இந்நிலையில் வௌ்ளத்தில் அடித்துச் செல்லப்பட்ட பலரை தன் சொந்த முயற்சியால் போராடி, எட்டு உயிர்களை காப்பாற்றிய இளைஞன் பரிதாபமாக உயிரிழந்துள்ளார். ஒரு கட்டத்தில் அவரால் கட்டுக்கடங்காத வெள்ளத்தை தாக்குப்பிடிக்க முடியாத நிலையில் இந்த உயிரிழப்பு ஏற்பட்டுள்ளது. எட்டுப் பேரின் உயிரை காப்பாற்றிய அதே வெள்ளத்தில் அவர் உயிர் பிரிந்தமை அந்தப் பகுதி மக்களுக்கு சோகத்தை ஏற்படுத்தியுள்ளது. உயிரிழப்பதற்கு முன்னர் 8 உயிர்களை காப்பாற்றிய அவரே உண்மையான வீரர் என பலரால் பாராட்டப்பட்டு வருகிறார். நாட்டில் நிலவும் சீரற்ற காலநிலை காரணமாக இதுவரை 151 பேர் உயிரிழந்ததுடன் 112 பேர் காணாமல் போயுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.