இந்திய மீனவர்களை இலங்கை கடற்படை தாக்கியமைக்கு கண்டனம் தெரிவித்து இராமேஸ்வரத்தில் ஆர்ப்பாட்டம் ஒன்று முன்னெடுக்கப்பட்டுள்ளது. இந்த ஆர்ப்பாட்டத்தில் தமிழர் தேசிய அமைப்பின் உறுப்பினர்கள் ஈடுபட்டுள்ளனர். இலங்கை கடற்படையினரால் 700இற்கும் அதிகமான மீனவர்கள் கொல்லப்பட்டுள்ளனர். இருப்பினும் பாதிக்கப்பட்டவர்களின் குடும்பங்களுக்கு எந்த இழப்பீடும் வழங்கவில்லை என தமிழர் தேசிய முன்னணியின் தலைவர் பழ.நெடுமாறன் தெரிவித்துள்ளார். ஆர்ப்பாட்டத்தின் போது இடம்பெற்ற ஊடக சந்திப்பில் கலந்து கொண்டு உரையாற்றிய போதே பழ.நெடுமாறன் இதை தெரிவித்துள்ளார். எனவே, தமிழ்நாட்டு மீனவர்களை பாதுகாப்பது தொடர்பில் விரைவில் நடவடிக்கைகள் முன்னெடுக்குமாறு அவர் குறிப்பிட்டுள்ளார்.