சிங்கப்பூர் ஓபன் சூப்பர் சீரீஸ் பேட்மின்டன் தொடரின் மகளிர் ஒற்றையர் பிரிவு 2வது சுற்றில் விளையாட, இந்திய வீராங்கனை பி.வி.சிந்து தகுதி பெற்றார். முதல் சுற்றில் ஜப்பானின் நஸோமி ஓகுஹராவுடன் நேற்று மோதிய சிந்து 10-21 என்ற கணக்கில் முதல் செட்டை இழந்து பின்தங்கினார். இரண்டாவது செட்டில் சுதாரித்துக் கொண்டு விளையாடிய அவர் 21-15 என கைப்பற்ற சமநிலை ஏற்பட்டது. இதைத் தொடர்ந்து கடைசி செட் ஆட்டத்தில் அனல் பறந்தது. மிகவும் விறுவிறுப்பாக அமைந்த இப்போட்டியில், சிந்து 10-21, 21-15, 21-20 என்ற செட் கணக்கில் ஒரு மணி, 2 நிமிடம் போராடி வென்று 2வது சுற்றுக்கு முன்னேறினார். 2016 ஆல் இங்கிலாந்து தொடரில் நஸோமி ஓகுஹரா சாம்பியன் பட்டம் வென்றவர் என்பது குறிப்பிடத்தக்கது. 2வது சுற்றில் சிந்து இந்தோனேசியாவின் பிட்ரியானி பிட்ரியானியுடன் மோதுகிறார்.